Elsa Lára Arnardóttir

LOKSINS TÓKST ÞETTA HJÁ MÉR.

2003-12-03T15:56:00.000Z

HÆ HÆ. LOKSINS TÓKST MÉR AÐ SETJA VEFINN MINN Á NETIÐ. TÖLVAN MÍN ER ORÐIN EITTHVAÐ KLIKKUÐ. HLEYPIR MÉR EKKI INN Í FORRIT OG EF ÉG KEMT INN ÞÁ FRAUS HÚN BARA. ÉG BEIT Á JAXLINN OG NÁÐI AÐ KLÁRA ÞETTA. ÁKVEÐIÐ ER AÐ TÖLVAN FARI Í ENDURHÆFINGU Í DESEMBER. FÁ MÉR STÆRRI DISK OG ANNAÐ WINDOWS.
ÉG ÞAKKA ÖLLUM FYRIR SKEMMTILEGT SAMSTARF Á ÖNNINNI SEM ER AÐ LÍÐA. JÓLAKVEÐJUR OG VEFINN ER AÐ FINNA HÉR.
BÆBÆ.

SMÁ VESEN

2003-12-02T20:56:00.000Z

SÆL SALVÖR OG HINIR. SMÁ VESEN Á FRONT PAGE HJÁ MÉR ÞESSA DAGANA. KEMST EKKI INN TIL AÐ LAGA VEFINN OG KOMA ÖLLU FULLKLÁRUÐU, KARLINN ER AÐ REYNA LAGA ÞETTA FYRIR MIG ÞANNIG AÐ ÉG GETI SKILAÐ. KEMUR INN VONANDI SEINNA Í KVÖLD EÐA NÓTT. KVEÐJA ELSA LÁRA

Sæl og Sælir

2003-11-12T01:57:00.000Z

Hæ hæ. Ákvað að blogga smá því ég man aldrei eftir því í þessum önnum hjá mér. Gsm bloggið finnst mér æði, sniðugt á ferðalagi að hringja skilaboð inn því þá er hægt að fylgjast með flakkinu á manni. Annars var ég og familian mín að koma frá Patró í gær, ákváðum að skreppa og hitta fólkið okkar þar, það var gaman. Ætla að fara sofa núna svo ég haldi haus í áframhaldandi verkefnavinnu á morgun, það er sko jú lokasprettur til 1. des, jíbbí, ekki langt þangað til. Best að muna blogga og halda vel á spöðunum í öllu saman. Það borgar sig fyrir námslánin............ GÓÐA NÓTT

2003-11-04T21:37:00.000Z

Skilaboð sendi ég
Sent með GSMbloggi Og Vodafone

2003-11-04T00:13:00.000Z

Skilaboð sendi ég
Sent með GSMbloggi Og Vodafone

2003-11-04T00:03:00.000Z

GSMblogg prufa

Verkefnakynning í Powerpoint

2003-11-03T23:42:00.000Z

Jæja er búin að sitja hér í allt kvöld við að reyna að koma kynningunni minni inn á vefinn. Lenti í alveg hellings vandræðum, úff úff. En sem betur fer er það yfirstaðið eða það vona ég svo sannarlega. Verkefnið mitt fjallar um líkamann, það er að finna hér.

Hæ samnemar, kennari og aðrir :)

2003-11-03T20:53:00.000Z

Hér er að finna skólaverkefnið sem ég og Eyrún unnum að í sameiningu. Power point verkefnið mitt kemur rétt á eftir inn á bloggið. Hjá mér er búið að vera KLIKKAÐ að gera, ekkert minna en það, um mánaðarmótin voru sex stór verkefni sem þurfti að skila, krakkarnir óþekkir en samt yndisleg. Það er eins og þau finni á sér þegar eitthvað mikið er að gera, litlu skinnin mín. Ég er voðalega ánægð því ég var að enda við að kaupa allar jólagjafirnar, jess...
Ég keypti myndavél, stafræna auðvitað, að gerð Sony, hún er 5 milljón pixla, svaka flott. Gaman að taka myndir, einnig er hægt að taka upp á hana video þrátt fyrir að hún sé myndavél.

BRJÁLAÐ AÐ GERA EINS OG HJÁ LÍKLEGA ÖLLUM ;)

2003-10-28T17:23:00.000Z

HÆ SAMNEMAR OG ÞÚ SEM ERT AÐ LESA ÞETTA EF EINHVER LES. HÉÐAN FRÁ MÉR ER EKKERT AÐ FRÉTTA NEMA LÆRA OG AFTUR LÆRA, BLOGGIÐ GLEYMIST Í ÞESSUM ÖNNUM, en það er ekki gott. UM NÆSTU MÁNAÐARMÓT ER SKIL Á 4 STÓRUM VERKEFNUM HJÁ MÉR ÞANNIG AÐ ÞAÐ ER EINS GOTT AÐ HALDA RÉTT Á SPILUNUM FYRIR ÞANN DAGINN, ER AÐ VINNA NÚNA Í VERKEFNI Í FORNUM SÖGNUM EN ÞAÐ ER MJÖG SKEMMTIEGT, LESA ÆVINTÝRI OG ÍSLENDINGAÞÆTTI, ÞAÐ ER BARA GAMAN, KOM MÉR Á ÓVART. SÍÐAN ER AUÐVITAÐ VERIÐ AÐ VINNA Á FULLU Í SKÓLAVERKEFNINU GÓÐA, ÉG OG EYRÚN SEM ER BLOGGARI HÉR ER MEÐ MÉR Í VERKEFNI EN ÞAÐ HEFUR GEGNIÐ UPP OG OFAN, ÞAÐ ER MEIRA EN 5 TÍMA VERKEFNI (eins og stendur í verkefnalýsingunni, allavegana fyrir tækjafrata eins og mig). BEST AÐ HALDA ÁFRAM MEÐ ÆVINTÝRIN MÍN.
GANGI YKKUR VEL
ELSA LÁRA ARNARDÓTTIR

HALLÓ FRÁ HORNAFIRÐI

2003-10-14T13:03:00.000Z

Sæl samnemar og kennari. Núna er ég stödd á Hornafirði í heimsókn hjá mömmu og Co. Er búin að vera í viku og fer heim á morgun. Ég og börnin mín tvö skruppum aðeins en Rúnar er heima að vinna.
Það er alveg nóg að gera í skólanum og ég er að drukkna í verkefnavinnu en ég er í sjö fögum og það er ekkert próf, en mér finnst samt betra að hafa verkefni en próf. Jæja hef ekki meira að segja í bili. Kveðja Elsa Lára

VEFLEIÐANGURINN MINN ER HÉR

2003-10-02T22:20:00.000Z

Bara að gera vefleiðangurinn minn sýnilegri. Ég er alltaf svo montin þegar allt hefur farið í klessu hjá mér og mér tekst að laga það og koma því til skila. Annars vantar hjá mér yfirheitið en þetta er Vefleiðangur um Akranes, þarf að laga Front Page forritið mitt, alveg kol ruglað. Það tekur mig a.m.k. 10 tilraunir að komast inn ef ég er heppinn. Og það er alveg meiriháttar ef mér tekst að vinna eitthvað þar inni áður en erki-óvinur minn, þ.e. Front page error hendir öllu og frystir allt. ÉG ÞOLI ÞAÐ EKKI ÞEGAR ÉG VIL VERA DUGLEG

LOKSINS LOKSINS

2003-10-02T21:07:00.000Z

Jæja loksins tókust þessi ósköp hjá mér en þó einum degi og seint. Sorry. Tölvan mín er búin að vera gera mér lífið leitt þessa dagana, henda mér út með error og einhverjum leiðindum. En loksins loksins, hér er að finna vefleiðangurinn minn.

DRÖG AÐ PERSÓNULEGUM VEF

2003-09-25T15:38:00.000Z

Hæ Hæ. Hér er nóg að gera, er aðallega að pæla í vefleiðangri í dag auk þess að skrifa tæknisöguna sem er að finna í pistlinum hér á undan. Ég hef sett upp drög að persónulega vefnum mínum. Hann er unninn í front page og er allur í hálfgerðri klessu eins og er, hann er að finna hér. Og ég veit hann er ljótur eins og er, á eftir að laga til þar.

Ég setti nú bara grenju-broskarlinn inn því mér fannst hann gasalega sætur. Gangi ykkur vel, ekki bugast.

TÆKNISAGA

2003-09-25T14:40:00.000Z

Hér kemur mitt innlegg í tæknisöguna.

Mér finnst margt hafa breyst frá því ég ólst upp og er ég fædd árið 1975. Þegar ég var barn var eitt sjónvarp heima hjá mér og þegar ég var komin á skólaaldur bættist myndbandstæki við. Það fannst okkur systunum alveg meiriháttar og tuðuðum í mömmu um myndbandsspólur daginn út og daginn inn.

Ég fékk mitt fyrsta tölvuspil þegar ég var í 3. eða 4. bekk en það var grænt að lit, ég man ekki hvað leikurinn hét en hann gekk út að vökva blóm í blómahúsi. Sá sem spilaði þurfti að vanda vel til verka því annars gátu blómin dáið og þá var leikmaðurinn úr leik. Að vísu hafði ég prófað tölvuspil fyrir þennan tíma en það var hjá vinafólki okkar. Á því heimili var til öðruvísi tölvuspil, það fannst mér svakalega skemmtilegt spil en í því var górilla sem kastaði tunnum og kallinn í tölvuspilinu varð að komast upp til að fella górilluna (að mig minnir). Á meðan kallinn var að reyna komast upp kastaði górillan tunnum í gríð og erg, alveg brjáluð og kallinn varð að passa sig að fá ekki tunnurnar í sig. Þetta var alveg gífulega spennandi.

Fyrsta PC tölvan sem ég prufaði var svört eða dökkbrún tölva sem bróðir minn átti, mig minnir að ég hafi verið um 12 ára. Það var mjög gaman að komast í tölvuna því þar var hægt að fara í leiki eins og t.d. borðtennis. Þegar ég hugsa til baka minnir mig að þetta hafi verið frekar hægvirkt.

Ég held að ég hafi verið 15 - 16 ára þegar systur mínar fengu NINTENDO tölvu í jólagjöf. Það var æðislegt og þau jólin var leikið sér í Mario og varla gert hlé á. Það voru allir jafn æstir í að komast í tölvuna hvort sem það voru börn, foreldrar, ömmur eða afar. Það endaði meira að segja með því að amma fékk sér svona tölvu. Og það er alveg satt, hún fór í ruslið nýlega.

Fyrsta árið mitt í fjölbraut fékk ég ritvél til að vinna verkefnin á en þegar ég hafði tíma fór ég upp í skóla til að vinna verkefnin í tölvunum þar.

Þriðja árið mitt í fjölbraut kynntist ég manninum mínum og hann átti tölvu, venjulega PC tölvu, pentium eitthvað, man ekki alveg, en það var voða flott!!
Sú tölva entist okkur út fjölbrautaskólann og var henni þá lagt.

Við parið fórum síðan að búa árið 1997 og áttum við þá ekki neitt sem tengist tækni nema þá helst ferðageislaspilara. Við áttum ekki einu sinni sjónvarp en það breyttist fljótlega því sjónvarp fengum við gefins rétt eftir að við fluttum inn.

Í dag er árið 2003 og mörg heimili í landinu hafa að geyma hluti sem tilheyra tæknisögunni. Heima hjá mér er ýmislegt að finna. Hér eru tvö sjónvarpstæki en byrjað er að hugsa um það þriðja til að hafa í barnaherberginu, það á þá að hafa innbyggt myndbandstæki (athugið að við erum fjögur í heimili). Hér er myndbandtæki, DVD spilari, góð hljómflutningstæki. Ég er með fartölvu, skanna, skrifara, prentara og við erum sítengd við internetið. Einnig eigum við upptökuvél en hún er að vísu ekki digital vél. Playstation 1 er hér en hún er í kassa eins og er því það kostar grenj þegar prinsinn á heimilinu verður game over. Hann ætlast til að mamma og pabbi gera þetta fyrir hann og hann fái að fylgjast með.

Auðvitað á ég gsm síma og hann er frekar nýr, í honum er digital myndavél en mér finnst hún léleg ef ég á að vera hreinskilin. Kannski kann ég ekki á hana. Maðurinn minn er líka með gsm en hann er eldri en minn, venjulegur gamall Nokia sími, hann virkar og það er nóg. Ég á að vísu líka svona Nokia síma en keypti mér annan í sumar vegna þess að ég hélt að hinn væri glataður, en hann fannst í flutningum.

Ég tel að tæknin eigi eftir að þróast meir með þeirri kynslóð sem er að vaxa úr grasi nú. Ég á son sem er fimm ára. Hann fer í tölvuna, kveikir á henni, loggar sig inn á netið og fer í leikinn sinn þar. Ég sæi mig í anda fimm ára og fara í tölvuna, glætan.
Það er svo margt sem er komið í tölvur, t.d. þetta nám sem við erum í, bankarnir okkar, dagbókin okkar á blogginu og svo mætti lengi telja. Ég vona allavega að tæknin haldi áfram á þessari braut og sýni komandi kynslóðum upp á hvað er í boði með því að kynna sér hana.

Þrátt fyrir að ég eigi ýmsa hluti sem tilheyra tækninni þá er ég núna að safna mér fyrir digital myndavél og hún á ekki að vera minni en 3.2. m. pixlar eða hvað sem það er sagt, einhver sagði mér að það borgaði sig ekki að kaupa minni. Einnig verð ég alltaf sjúk þegar ég sé flottar tölvur því ég er bara með fartölvu heima og langar að hafa góða mulningsvél sem inniheldur nánast allt sem ein tölva getur haft.

JÍBBÍ JÍBBI, VEI VEI VEI

2003-09-24T10:19:00.000Z

BARA AÐ LÁTA VITA AÐ ÉG NÁÐI STÆRÐFRÆÐIPRÓFINU MÍNU, ÉG ER SVO GLÖÐ. ÉG HÉLT ÉG VÆRI FALLIN EN NÁÐI SAMT ÁGÆTIS EINKUNN M.V. STÆRÐFRÆÐI.
JÍBBI JÍBBÍ, VEI VEI VEI. En samnemendur góðir af fenginni reynslu ætla ég aldrei aftur ef ég get hjá því komist að fresta prófi, það er ÖMURLEGT að fara í próf í ágúst. OJ OJ. JÍBBI EN ÉG NÁÐI ;)

LOKSINS MÆTT AFTUR Á BLOGGIÐ

2003-09-24T10:09:00.000Z

Hæ samnemar, kennari og aðrir sem gætu verið að lesa þetta blaður mitt.
Loksins læt ég heyra í mér. Alveg klikkað að gera, eins og alltaf. Börnin búin að vera veik, eyrnabólgur, hitakrampi, tanntaka og fleira áhugavert. Mig er svolítið langað til að fá að sofa heila nótt. Það verður kannski einhverntíman. Það þýðir ekkert annað en vera bjartsýn.
Skólinn/námið mitt hefur fengið að vera í friði undanfarna daga en hér er ég mætt afur og ætla mér að reyna áfram, börnin hljóta að róast einhvern daginn. Ég hef verið að reyna skrifa niður á blað, þ.e. gera verkefni í íslensku en hausinn á mér hefur ekki haft orku í að hugsa og skrifa eitthvað sem vit er í niður á blað. Ég sest alltaf við tölvuna en fer síðan að gera eitthvað allt annað en læra, ég fer stundum á barnaland, morgunblaðið, vísir eða femin, það er stundum miklu skemmtilegra en læra. Það krefst minni orku.
Með kveðju
Elsa Lára

VEI VEI, LOKSINS TÓKST ÞETTA, ÉG ER SNILLINGUR (hehe)

2003-09-13T22:24:00.000Z

Jæja loksins tókst mér að setja inn vefrallýið mitt, er búin að eyða því tvisvar út af blogginu, var eiginlega farin að pirrast á þessu, hef eiginlega nóg við tímann að gera.
Þá ætla ég að upplýsa ykkur um kennsluverkefnið mitt í Power point. Ég hef hugsað mér að gera glærur um Landið okkar sem byggt er á kennslubók fyrir nemendur í öðrum bekk. Ég kenndi þessa bók veturinn 2001 - 2002 og fannst það mjög gaman.
Á morgun sunnudag er ég að fara í Úthlíð í Biskupstungum vegna þess að litla systir mín verður 22. ára á morgun þann 14. sept 2003. Ég, gullmolarnir mínir tveir og Eva Björk besta barnapía ætlum að kíkja á afmælisbarnið á meðan maðurinn minn ætlar að fara á KR leik (oj oj oj) og sjá KR-inga taka á móti bikarnum. ÆI til hamingju Rúnar minn og aðrir KR-ingar. Hugsið ykkur hann Rúnar er KR-ingur og býr á Akranesi (ÍA svæði), aumingja börnin mín þau eru KRÍA (voða fyndið eða þannig).
Á morgun er einnig gleðidagur fyrir mömmu mína. LOKSINS LOKSINS ER HÚN BÚIN og fær að eiga sér líf aftur. Á morgun klárar hún þriggja máða starfsnámið á Norðfirði og getur farið heim á Hornafjörð. Á MORGUN VEI VEI.
Ég er komin með tölvuaugu eins og Goggi mega og ætla mér að fara sofa núna ásamt börnum og manni sem hrjóta uppi í herbergi. GÓÐA NÓTT OG SOFIÐ RÓTT Í ALLA NÓTT.

PRUFA AÐ SETJA INN VEFRALLÝ AFTUR

2003-09-13T22:09:00.000Z

VATNAJÖKULL

Þessi vefleiðangur er ætlaður fyrir nemendur í 6. bekk. Nemendur eiga að finna svör við spurningunum hér fyrir neðan með því að leita á vefslóðum sem gefnar eru upp hér í vefleiðangrinum. Ætlast er til að nemendur vinni tveir og tveir saman. Keppni er á milli hópanna um það hver verður fyrstur til að finna svörin og skila þeim til kennara. Svörin sem þið finnið og vefslóðirnar hvar þau fundust skal skrifa niður í Word-skjal, vista þar og senda sem viðhengi á netfang kennara sem er elsaarn@khi.is.

Markmiðið með vefrallýinu er að nemendur æfist í leit á internetinu og veri snöggir að því. Einnig að nemendur þjálfist í að vinna í hópum og taki tillit til skoðanna samnemenda sinna.

Gangi ykkur vel.

SPURNINGAR

Hve mikið er heildarísmagn jökulsins talið vera?

Undir Vatnajökli eru fjöll, gljúfur og dalir. Hve há eru hæðstu fjöllin undir jöklinum?

Nokkuð margir skriðjöklar eru í Vatnajöklu, skrifið hjá ykkur nöfn þriggja skriðjökla?

Hvað er talið langt síðan jökullinn myndaðist?

Á Vatnajökli er staðsett hótel, hvað heitir það?

Hvað rúmar veitingasalur hótelsins marga og hve mörg svefnpokapláss eru í boði fyrir gesti?

Hvað heitir fyrirtæki sem staðsett er á Hornafirði og býður upp á ferðir með sérútbúnum jeppum og vélsleðum um Vatnajökul?

Í Vatnajökli eru jarðhitasvæði, hvað eru þau mörg?

Á 18. öld gekk Vatnajökull undir öðru nafni, hvað var nafnið?

VEFSLÓÐIR

http://www.nat.is/travelguide/joklar_vatnajokull.htm

http://www.visindavefur.hi.is/svar.asp?id=1879

http://www.glacierjeeps.is/joklasel-isl.htm

http://www.glacierjeeps.is/tours.htm

http://www.mountainfriends.com/html/vatnaj_frl.html

Að lokum eiga nemendur að nefna eitthvað eitt sem er ekki að finna í spurningunum hér fyrir ofan sem þeim finnst áhugavert við Vatnajökul. Þeir verða að finna upplýsingarnar á vefnum, skrá vefslóðina hjá sér og senda ásamt svörunum og vefslóðunum til kennara.

Með bestu kveðju Elsa Lára Arnardóttir

Vandræði með bloggið mitt

2003-09-13T22:02:00.000Z

Áðan var ég að reyna að setja inn vefrallýið mitt en það kom allt í klessu, engir íslenskir stafir, það var ógeðslega ljótt þannig að ég eyddi því. Ég gerði vefrallý um Vatnajökul og það er að finna hér.

Ruglukollan mætt aftur á bloggið

2003-09-10T16:25:00.000Z

Sæl samnemar og kennari.
Ég er að velta því fyrir mér hvar hægt er að ná sambandi við kennara, er búin að reyna senda henni póst en fæ ekki svör til baka, ef einhver er með ráð fyrir mig þá má endilega senda mér póst á elsaarn@khi.is varðandi það.
Jæja svefnleysið er farið að segja til sín því litla dóttir mín hún Þórdís Eva er ekki búin að vera nógu þæg á nóttinni og það endaði með því að ég fór með hana til læknis og kom þá í ljós eyrnabólga í vinstra eyra. Hún fékk pensilín sem henni þykir rosa gott og gargar því hún fær ekki meir en læknirinn ráðlagði, á að koma með hana aftur eftir 3 vikur, litla snúllan mín.
Annars var ég að koma heim frá Keflavík, fór þangað í morgun með ömmu og afa sem voru að fljúga til Alicante, langaði með og er ákveðin í því að fara næsta sumar. SPARA SPARA SPARA SVO ÉG KOMIST TIL ÚTLANDA. Ég er nú eiginlega að vonast til að árshátíðin hjá fyrirtækinu sem maðurinn vinni verði í útlöndum. Síðan er að vísu saumaklúbburinn sem ég er í að fara eitthvað í vor, þá verðum við búnar að safna nógu mikilu, við ætlum að fara makalausar, æi mig langar samt að hafa minn með, það er svo mikið rómó.
Jæja best að halda áfram með Vefrallý.
Með kveðju Elsa Lára ruglukolla (hér á blogginu)

Í dag er mánudagurinn 8. sept 2003

2003-09-08T17:25:00.000Z

Til hamningju með brúðkaupsafmælið Hjördís og Guðni ef þið lesið þetta.
Jæja þá var ég að ljúka við 1. verkefnið mitt í Aga og agavandamál, gott að það er búið. Þá er best að fara snúa sér fyrir alvöru að íslenskuáföngunum sem ég er í. Ég þarf að fara að lesa nokkrar bækur en það er nú bara gaman að því.
Jæja best að ná í stubbana mína í pössun til ömmu og afa. Aumingja amma og afi ég níðist að þeim daginn út og daginn inn með að passa börnin, en þeim finnst gaman með börnunum eða það segja þau, ég trúi því sko alveg, það finnst mér líka, þau eru bestust, snúllunar mínar.
Bæjó
Elsa Lára

Hæ allir saman

2003-09-07T22:17:00.000Z

Hæ allir saman.
Jæja þá er best að reyna ,,blogga" svolítið. Er á fullu að reyna fyrir mér að gera vefrallý en er eiginlega alveg hugmyndalaus um hvað það á að vera. Er líka að reyna að byrja á persónulega vefnum en tölvan mín og ég erum ekki bestu vinir þannig að allt gengur hálf brösulega. Er bara að hugsa um að pakka niður í tösku og fara til Spánar, taka eitthvað ódýrt tilboð og hunsa þetta í smá tíma. Nei ætli það nokkuð, það er líklega betra að reyna að halda sér við efnið og hleypa ekki yfirdrættinum upp úr öllu valdi. En nóg um það. Ef einhver er að lesa þetta, á ekki einhver annar í vandræðum með heimasíðugerð eða vefrallý eða er ég bara tölvufrati.
Nóg komið í bili er farin að sofa eftir langan dag með óþekk börn, eitt sem er að taka tennur og annað sem ætlaði upp á húsþak í dag. En þau er samt YNDISLEGUST.
Góða nótt

Best að láta í sér heyra.

2003-08-31T21:55:00.000Z

Jæja þá er stærðfræðiprófið mitt búið, úff úff. Það var nú meiri leiðindin, sorry stærðfræðikennarar. Ekki mitt uppáhald.
Í gær var stór dagur í fjölskyldunni vegna þess að Sigrún Ólöf systir mín var að gifta sig í Hafnafjarðarkirkju. Eiginmaður hennar er Jóhann Hilmar. Þetta var eiginlega svona tvöföld athöfn því að litla prinsessan þeirra var skírð og fékk hún nafnið Nína Dögg (fallegt nafn finnst mér). Á meðan á þessu stóð voru börnin mín í pössun hjá ömmu Hrönn og Júlla (og Li, hundurinn hennar ömmu Hrönn, ekki má gleyma honum), það gekk mjög vel. Þau fóru saman í Grasagarðinn og skoðuðu sig um. Heima hjá ömmu Hrönn var daman mín í göngugrindinni með blómin hennar ömmu sinnar í eftirdragi. Ég er ekki með neinar pottaplöntur á mínum bæ þannig að henni fannst hún hafa náð í feitt.
Í dag var einnig síðasti dagur karlsins míns í fæðingarorlofi þannig að karlgreyið þarf að fara til vinnu á morgun og ég þarf einnig að fara að læra, komin tími til þess.
Hafið það sem allra best, heyrumst seinna. Kveðja Elsa Lára

Góðan daginn!!

2003-08-22T09:55:00.000Z

Sæl og góðan daginn. Þá er föstudagurinn 22. ágúst 2003 byrjaður og það styttist óðum í stærðfræðiprófið sem ég þarf að fara í á miðvikudaginn næsta. Svona er að treysta sér ekki til að fara í próf kasólétt í desember s.l., en ég ætla mér ekki að fresta prófi aftur því það er frekar leiðinlegt að sitja inni í góðu veðri í ágúst og læra.
Nóg er að gera í fjölskyldunni þessa dagana vegna þess að ,,litla" systir mín er að fara að gifta sig á laugardaginn eftir viku.
Við fórum og fengum okkur kött í gær, það var búið að lofa syni mínum kisu ef við myndum flytja úr blokkinni sem við áttum heima í. Kötturinn er fress og heitir Bensi, svakalega góður köttur. Daman eltir hann á fullu í göngugrindinni sinni og þá á Bensi fótum sínum fjör að launa.
Jæja, best að fara að koma börnunum á fætur að fara út í góða veðrið, ég læri bara seinna í dag :)

Eftir staðlotu

2003-08-19T22:14:00.000Z

Jæja. Þá er þessi staðlota búin og var hún heldur stutt, verð ég að segja. Kennararnir voru á fullu að reyna komast yfir efnið sem þeir þurftu að koma til okkar. Mér fannst þeir standa sig ágætlega. Ég er búin að velja mér kjörsvið sem er Íslenska og í frjálsu vali hef ég hugsað mér Upplýsingamennt. Ég tel það góðan kost að setja sig inn í tæknina því það er það sem koma skal í skólunum í framtíðinni, líklega meira en okkur grunar.
Ég er að vísu svolítið ánægð með að lotan sé á enda því stúlkan mín sem er sjö mánaða var ekki mjög ánægð að hafa mömmu ekki heima þessa daga og lét föður sinn hafa það. Æ Æ. En svona er þetta nú bara :)
Jæja ef að einhverjir samnemar mínir lesa þetta blogg mitt þá sendi ég þeim baráttukveðjur í önnina sem er byrjuð og gangi ykkur öllum vel. Sjáumst hress og kát í næstu lotu......verum dugleg að láta vita af okkur með skrifum á Webct eða tölvupóst. Með kveðju Elsa Lára.

Hrefnuveiðar hafnar

2003-08-18T13:24:00.000Z

Nú er allt að verða vitlaust. Íslendingar eru byrjaðir að veiða hvali. Tvö skip voru í gær komin á miðin. Hvalaskoðunarfyrirtæki eru ekkert ánægð með þetta. Náttúrusinnar ætla að kvikmynda fyrsta hvaladrápið en áhafnir skipana bíða eftir tækifæri til að láta til skara skríða.

Hvalveiðar voru stundaðar frá fornu fari á Íslandi. Það er til Hvalavefur sem byrjaði einmitt sem verkefni í Kennó.

Þessi viðburður er umtalaður víðsvegar um heiminn og má m.a. sjá frétt um veiðarnar á BBC-fréttastöðinni.

Smá mynd

2003-08-15T16:44:00.000Z

Hér er mynd af krílunum mínum.

Hér er stóri bróðir að passa litlu systir sína. Hann er svo duglegur :)

Og hér er síðan verið saman í baði, þau eru svo yndisleg. Til að skoða þau frekar þá er heimasíður þeirra inn á barnalandi. Þau heita Þorsteinn Atli og Þórdís Eva.

Möguleikar Internetsins

2003-08-15T16:25:00.000Z

Með tilkomu internetsins hafa opnast ýmsir möguleikar eins og t.d. að eignast vini eða ástvini. Það er hægt að eignast vinanet hjá nýju kerfi sem heitir Friendster. Einnig hefur vefurinn einkamal.is verið mikið sóttur af þeim sem eru að leita að deit. Ef maður vill taka þátt í þjóðmálaumræðunni þá eru mjög oft fjörugar umræður sem gaman er að fylgjast með og að taka þátt í á malefnin.com

Tengt í sessunaut

2003-08-15T16:10:00.000Z

Ég sit hér að blogga við hliðina á Margréti og mig langar að tengja mig við hana. Einnig langar mig að prufa að tengjast Eyrúnu sem er nemandi í þessum áfanga.

Kynnig á mér

2003-08-15T15:55:00.000Z

Ég heiti Elsa Lára Arnardóttir og er kennaranemi í fjarnámi á þriðja ári. Ég er 27 ára og bý á Akranesi ásamt manninum mínum og tveimur börnum. Maðurinn minn heitir Rúnar Geir Þorsteinsson og er frá Patreksfirði, sonur okkar heitir Þorsteinn Atli, hann er 4 ára og dóttir okkar heitir Þórdís Eva og er 7 mánaða. Áætluð námslok eru vorið 2005.
Núna er ég stödd í Kennaraháskólanum og er í áfanganum Upplýsingatækni og Skólastarf og er að æfa mig í ,,bloggi".